Како што се наведува во Прегледот, „Уставниот суд на Република Северна Македонија во периодот од 1 јануари 2022 година заклучно со 31 декември 2022 година, во рамките на остварувањето на своите уставни надлежности, одржа 42 седници и 28 работни состаноци.“

„Анализата на вкупните податоци покажува дека вкупниот број на примени предмети во текот на 2022 година – 137, споредено со минатата 2021 година кога биле примени 148 предмети е намален, односно примени се 11 предмети помалку (намален за околу 8 %).

Во текот на 2022 година, од вкупно 137 примени предмети, 69 предмети се однесуваат на оценката на согласноста на законите со Уставот (50,4 %), 60 предмети се однесуваат на оценка на уставноста и законитоста на други прописи и акти (43,8 %), еден предмет се однесува на решавање на судир на надлежност (0,7 %) и поднесени се 7 барања за заштита на слободи и права (5,1 %).

Од вкупниот број на решени предмети во 2022 година – 131, во поголем дел беа оспорени прописи и други општи акти – 64 (48,9 %), во 58 предмети беа оспорени закони или одделни законски одредби (44,2 %), 9 предмети беа барања за заштита на слободи и права (6,9 %) од вкупниот број решени предмети.

Судот ја оценуваше уставноста на вкупно 53 закони или одделни законски одредби од кои најчесто предмет на оспорување беа: Законот за работните односи којшто беше оспорен во 6 предмети, Законот за административни службеници во 5 предмети и Законот за стечај во 3 предмети.“

Целосниот текст на Прегледот за работата на Уставниот суд на Република Северна Македонија за 2022 година може да го видите тука.