Уставниот суд поведе постапка за одредба од Законот за вршење на работи за застапување во царинските постапки во врска со престанокот на лиценцата
Уставниот суд на денешната седница поведе постапка за оценување на уставноста на членот 51, став 1 во делот 2 од Законот за вршење на работи за застапување во царинските постапки.
Оваа законска одредба предвидува дека лицата кои се стекнале со лиценца за вршење на застапување во царинските постапки до денот на влегувањето во сила на овој закон (до 2014 г.) се должни во рок од една година од влегувањето во сила на овој закон да ги исполнат условите од членот 7, став 2 и став 3 од истиот закон и да поднесат барање до Царинската управа за издавање на лиценца во согласност со овој закон.
Оспорениот став 1 во делот 2 од оваа законска одредба предвидува дека на лицата кои нема да постапат во согласност со ставот (1) на овој член ќе им престане важноста на издадената лиценца и ќе треба во рок од осум дена од истекот на рокот од ставот 1 на овој член да ја вратат издадената идентификациска картичка (легитимација на лиценциран застапник).
М.В