Уставниот суд поведе постапка за одредби од Статутот на Адвокатската комора и укина одредби од Законот за извршување
Уставниот суд поведе постапка за оценување на уставноста и законитоста на член 66 став 2 алинеја 6 од Статутот на Адвокатската комора на Република Северна Македонија.
Член 66 од Статутот на Адвокатската комора се однесува на барањето за прием во Комората и тој гласи:
Барањето за прием се доставува до Комисијата за прием.
Кон барањето за прием се приложуваат:
– кратка биографија
– универзитетска диплома за дипломиран правник во Република Северна Македонија со завршено четиригодишно високо образование на правни студии и стекнат VII/1 степен на образование или стекнати 300 кредити според Европскиот кредит-трансфер систем.
– доказ за положен правосуден испит
– уверение за државјанство
– уверение дека не е одземена деловна способност
– доказ за невработеност
Уставниот суд денеска го укина член 18 став 2 од Законот за извршување.
Членот 18 се однесува на наплата на камата и законска казнена камата и тој гласи:
(1) Кога во извршната исправа е определена наплата на камата од должникот, истата се пресметува и наплатува до денот на исплатата на средствата на посебната сметка на извршителот.
(2) Ако во извршната исправа се определени и трошоците на постапката, извршителот, по предлог од доверителот, ќе пресмета и ќе изврши наплата на законска казнена камата на износот на определените трошоци согласно пропишаната стапка, од денот на донесувањето на извршната исправа до наплатата.
М.В