Утврдени се текстовите на Предлог-законот за јавното обвинителство и на Предлог-законот за изменување и дополнување на Законот за Советот на јавните обвинители. Законите се дадени на усвојување во Собранието на РСМ, информираат од Владата.

„Владата на Република Северна Македонија на својата 8. редовна седница го утврди текстот на Предлог-законот за јавното обвинителство, за кој е одлучено да оди на усвојување во Собранието на Северна Македонија по скратена постапка.

Утврдениот Предлог-закон е усогласен во претходна постапка во Собранието и во него се вградени решенија што обезбедуваат функционирање на принципот на владеењето на правото согласно европските вредности, со прeдвидени услови за фер и еднаквост на страните во правосудната постапка.

Решението на Предлог-законот гарантира дека сите судски процеси кои беа во надлежност на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите се распоредуваат на јавните обвинителства на натамошно кривично гонење согласно нивните надлежности утврдени со овој закон за да добијат правна разрешница пред надлежните судови, низ професионална и фер постапка, базирана на докази.

Новина во Предлог-законот е изборот на јавен обвинител во Обвинителството за организиран криминал и корупција, кој ќе се се избира од страна на Советот на јавни обвинители по спроведено гласање од страна на сите јавни обвинители во Република Северна Македонија. За основен јавен обвинител на Основното јавно обвинителство за гонење на организиран криминал и корупција Советот ќе го именува кандидатот којшто ќе освои најмногу гласови од листата на пријавени кандидати кои ги исполнуваат условите согласно овој закон.

Предметите од надлежност на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите преземени од Јавниот обвинител на Република Северна Македонија се распоредуваат на јавните обвинителства на натамошно кривично гонење согласно нивните надлежности утврдени со овој закон.

На оваа 8. седница е утврден и текстот на Предлог-законот за изменување и дополнување на Законот за Советот на јавните обвинители на Република Северна Македонија, кој исто така на Собранието на Северна Македонија му се предлага да биде усвоен по скратена постапка“, се наведува во соопштението на Владата.

Целта на предложените измени и дополнувања е да се обезбеди правна рамка за независен, поактивен и влијателен Совет на јавни обвинители, со посилна улога во спроведувањето на обвинителската слобода на одлучување.

Врз основа на Законот за Влада на Република Северна Македонија, на оваа седница е усвоена одлука за поништување на 89 решенија за распоредување на работно место што ги донесе техничкиот министер за внатрешни работи Наке Чулев на 6 и 7 февруари оваа година.

Заклучоци од јавната расправа за новиот Предлог-закон за јавно обвинителство, која продолжува и денеска

Продолжуваат разговорите за новиот Закон за јавното обвинителство

Блупринт-групата: СЈО како институција треба да продолжи со работа