Министерството за правда подготвува измени на Законот за националната инфраструктура на просторните податоци на Република Македонија. Целта на воспоставувањето на НИПП е олеснување на пристапот, размената, употребата и дистрибуцијата на стандардизирани геопросторни податоци и услуги на ефикасен, ефективен и усогласен начин.

„Во НИПП, согласно Законот, членуваат 20 институции. Воспоставувањето на националната инфраструктура на просторни податоци (НИПП) во Република Северна Македонија е регулирано со Законот за националната инфраструктура на просторните податоци на Република Македонија. Во Законот е транспонирана европската директива INSPIRE (2007/2/EC), со која се регулира воспоставувањето на инфраструктурата на просторни податоци во Европската заедница“, образложуваат од Министерството.

М.В