Собранието на Република Македонија денес од 12 часот ќе ја одржи својата 92 седница.

На дневен ред се 68 предлог-закони од кои дел се во скратена постапка и дел во прво и второ читање, три барања за автентично толкување на членови од закони, предлог за именување на претседател и членови на Регулаторна комисија за домување и Информација за општите состојби во образованието во Република Македонија и ефектите од екстерното тестирање во основното и средното образование.

Собранието на Република Македонија ќе работи до 24 февруари кога ќе почне да се применува одлуката за распуштање донесена на 18 јануари 2016 година.