Министерството за финансии подготвува нов Закон за буџетите. Постапката за изготвување, за донесување, за извршување на Буџетот на Република Северна Македонија и на буџетите на единиците на локалната самоуправа и на Градот Скопје, како и известувањето за извршување се регулирани во Законот за буџети од 2005 година и со неколку дополнителни измени. Тој закон, велат од Министерството, не е во согласност со новите трендови, со препораките на меѓународните институции и со директивите на Европската Унија.

„Целта е детално уредување на постапката за изготвување, донесување, извршување на Буџетот на РСМ и буџетите на општините и известување за извршувањето согласно ЕУ директиви. Законот ги регулира и фискалните правила и Фискалниот совет, унапредување на среднорочното буџетско планирање, управувањето со средствата на државата и општините, следењето на финансиските резултати на јавните претпријатијата и трговските друштва, основани од државата и општините, како и воспоставување на Интегриран информатички систем за управување со јавните финансии“, информираат од Министерството за финансии.

М.В