Министерството за економија подготвува измени на Законот за занаетчиство, чија цел е усогласување со Законот за прекршоците и со Законот за инспекциски надзор.

„Доколку одредбите за прекршоци од Законот за занаетчиство не бидат усогласени со Законот за прекршоци и со Законот за инспекциски надзор во рамки на законски предвидениот рок, ќе настане колизија помеѓу прекршочните одредби од системските закони и Законот за занаетчиство“, велат од Министерството за економија.

Со Законот за занаетчиство се уредуваат условите за вршењето на занаетчиска дејност и за издавање на занаетчиската дозвола, водењето на Занаетчиски регистар, организирање на чирачката работа, како и организирање и финансирање на коморски систем.

Со Законот за инспекциски надзор се уредуваат условите и начинот на издавање и одземање лиценца за инспектор, правата и должностите на инспекторите, основите за организација и работа на инспекциските служби, основните права и обврски на субјектите на инспекциски надзор, основањето, статусот и работата на Инспекцискиот совет, начинот и постапката на вршење инспекциски надзор, како и други прашања кои се однесуваат на инспекцискиот надзор.

Со Законот за прекршоците, пак, се уредуваат општите услови за пропишување на прекршоците и прекршочните санкции, општите услови за утврдување на прекршочната одговорност, за изрекувањето и извршувањето на прекршочните санкции и се пропишуваат прекршочните постапки.

Во подготовка измени на Законот за Царинската управа

Усогласување на законите за едношалтерскиот систем и за трговските друштва со Законот за прекршоците