/Прочитано:

1.391

Започнува новата исплата за повратот на ДДВ од скенираните фискални сметки

УЈП информира дека граѓаните кои скенираат фискални сметки од почетокот на месецот ќе ги добијат средствата од повратот за второто тримесечје од годинава. Заклучно со 30 јуни годинава скенирани се вкупно 41.650.814 фискални сметки, направен промет од 21.414.380.426 денари, а вкупниот поврат изнесува 334.556.243 денари, односно 5.440.000 евра.

За ова тримесечје граѓаните ќе добијат поврат на 15 отсто од искажаниот промет во фискалната сметка. Во тековниот, трет квартал, според измените што ги направи Владата, ќе се врши поврат на 20 отсто од ДДВ за домашни производи и услуги и 10 отсто за странските.