Во периодот од ноември 2016 до јуни 2017 година, Програмата ќе ги опфати следните градови: Скопје, Битола, Штип, Тетово, Гостивар, Кичево, Струга и Струмица. При аплицирањето, кандидатите задолжително треба да го наведат градот во кој се заинтересирани да ја извршуваат праксата.

Услови за учество:

Кандидатите треба да ги поседуваат следните квалификации:

• завршени три години од студии по право (180 кредити);
• да покажат интерес во областа на човековите права;
• основни познавања од областа на заштитата на човековите права;
• познавање на англиски јазик.

Од кандидатите се очекува спремност да се обврзат за учество во текот на целокупното траење на циклусот од два месеца практикантство.

За учесниците во Програмата предвиден е фиксен месечен паричен надомест.

МЗMП ги повикува сите заинтересирани, проактивни млади правници (вклучувајќи ги и студентите на постдипломски студии по право) да испратат свое резиме/CV и мотивационо писмо (не подолго од една страница) на електронската адреса: contact@myla.org.mk или на адреса ул. „Златко Шнајдер“ 4 a-1/3,1000 Скопје, најдоцна до 20 октомври 2016 година.

За повеќе информации можете да го прочитате повикот кој е во прилог или слободно да ни поставите прашање  на contact@myla.org.mk.