Вторник, 26 март 2013 – Албанскиот парламент едногласно ја одобри спогодбата за изградба на трансјадранскиот гасовод ТАР, по кој ќе се пренесува синото гориво до Италија и западна Европа преку Грција, Албанија и Јадранско море, пренесува МИА. 

За поддршка на спогодбата гласаа 120 од вкупно 140 пратеници во парламентот. Документот беше потпишан во февруари меѓу владата на Албанија, Грција и Италија.

Гасоводот ТАР е стратегиска шанса за Албанија и треба да продолжиме да го поддржуваме овој проект, смета владата.

Како резултат на овој проект се очекува во Албанија да бидат инвестирани околу две милијарди долари и да се создадат многу работни места, пишуваат уште весниците.

Проектот ТАР предвидува да се транспортира синото гориво од Азербејџан кон западна Европа. Изградбата на гасоводот ќе стартува во јуни.

Албанската влада разработува, исто така, и план за проширување на гасоводниот систем во земјата до 2018 година.