Среда, 1 мај 2013 – Во голема полициска акција на МВР за разбивање на мафијата која се занимава со трговија со културно – историско наследство, приведени се петнаесетина лица меѓу кои има двајца вработени во Управата за заштита на културното наследство, потврдуваат од МВР. 

Апсењата, според информациите на МВР, се спроведуваат низ повеќе градови во земјава, а главно во Скопје и Кавадарци.

Првичните информации говорат дека во домовите на приведените пронајдени се поголем број артефакти и икони.