За добивање лиценца “Б” туристичката агенција – посредник во продажба на туристичко патување, мора да ги исполнува следниве услови:

1. да има најмалку едно вработено лице, со доказ дека познава еден од светските јазици и
2. да има склучено договор за соработка со туристичка агенција – организатор на патување со лиценца “А”.

Барањето се поднесува до Министерството за економија комплетирано со потребната документација.

Предвиден рок за постапката: 15 дена од денот на поднесување на барањето од страна на вршителот на туристичката дејност.

Периодот на важење на лиценцата е неограничен.

Потребни документи

• Барање за добивање на лиценца за вршење на туристичка дејност;

• Решение за упис во трговскиот регистер и Документ за регистрирана дејност (ДРД образец);

• Известување за исполнување на условите за вршење на туристичка дејност (готов формулар го пополнува и заверува подносителот на барањето);

• доказ за најмалку едно вработено лице и уверение за познавање на странски јазик

• Договор за соработка со туристичка агенција – организатор на патување, со лиценца “А” и

• Доказ за платена административна такса за издадена лиценца за туристичка дејност во висина од 350,00 денари.

Подносителот на барањето за добивање лиценца за вршење туристичка дејност потребно е целокупната документација, што како копија ја доставува, да ја завери со печат од фирмата и потпис од одговорното лице.