Постапката на локално царинење при увоз е поедноставување кое на имателот на одобрението му овозможува стоката да ја стави во избрана увозна царинска процедура во свои простории или на други места одобрени од страна на царинскиот орган.

Имателот на одобрение го евидентира почетокот на постапката во својата одобрена евиденција и ја информира царинската испостава за пристигање на стоката.

Опис на постапкa

1. Барањето за одобрение за локално царинење при увоз се поднесува на пропишан образец до надлежната Царинарница.
2. Барањето го разгледува формално и содржински овластена Комисија.
3. По комплетирање на истото се врши контрола кај подносителот на барањето заради оцена на условите за барана постапка.
4. Административна такса за одобрение е 500,00 денари и административна такса за барање е 50,00 денари.
5. Одобрението го издава надлежната Царинарница.

Предвиден рок за постапката: 30 дена.

Потребни документи

• Барање за одобрение за локално царинење при увоз;

• Административна такса за одобрение во износ од 500, 00 денари;

• Aдминистративна такса за барање во износ од 50, 00 денари:

• Список на стоките (два примерока) и

• Список на одговорни лица.