Статусот на овластен испраќач му овозможува на имателот на одобрение извршување на транзитни операции без ставање на стоката и соодветната транзитна документација на увид кај појдовната царинска испостава.

Опис на постапка

1. Барањето за одобрение за овластен испраќач се поднесува на пропишан образец (Прилог 1 Образец ОИ од Упатството за поедноставени постапки) до надлежната Царинарница.
2. Барањето го разгледува формално и содржински овластена Комисија.
3. По комплетирање на истото се врши контрола кај подносителот на барањето заради оцена на условите за барана постапка.
4. Административна такса за одобрение е 500,00 денари и административна такса за барање е 50,00 денари.
5. Одобрението го дава надлежната Царинарница само на правни лица регистрирани во Република Македонија и лица на кои им е одобрена употреба на општа гаранција во транзит или лицето е изземено од поднесување на гаранција.

Предвиден рок за постапката: 3 месеци.

Потребни документи

• Барање за одобрение за овластен испраќач;

• Административна такса за одобрение, 500,00 денари (уплатница);

• Aдминистративна такса за барање, 50,00 денари, (уплатница);

• Список на стоките (два примерока) и

• Список на одговорни лица.