Статусот на овластен примач на имателот на одобрение му овозможува во своите простории или на друго определено место да прима стока која е ставена во транзитна постапка, без ставање на стоката и соодветната транзитна документација на увид кај одредишната царинска испостава.

Опис на постапка

1. Барањето за одобрение за овластен примач се поднесува на пропишан образец (Прилог 3 Образец ОП од Упатството за поедноставени постапки) до надлежната Царинарница.
2. Барањето го разгледува формално и содржински овластена Комисија.
3. По комплетирање на истото се врши контрола кај подносителот на барањето заради оцена на условите за барана постапка.
4. Административна такса за одобрение е 500, 00 денари и административна такса за барање е 50,00 денари.
5. Одобрението го дава надлежната Царинарница само на правни лица регистрирани во Република Македонија кои редовно примаат стока во транзитна постапка, водат евиденција која овозможува вршење на ефикасна контрола од страна на царинските органи и немаат извршено никакви тешки или повеќекратни прекршувања на царинските и даночните прописи.

Предвиден рок за постапката: 3 месеци.

Потребни документи

• Барање за одобрение за овластен примач;

• Административна такса за одобрение , 500, 00 денари (уплатница);

• Aдминистративна такса за барање, 50,00 денари (уплатница);

• Список на стоките (два примерока) и

• Список на одговорни лица.