Информации
Царинска управа на РМ
Сектор: Сектор за наплата на приходи, финансиско материјални и имотно правни односи
Одделение: Служба за наплата, буџет, гаранции и анализа
Ул.„Лазар Личеноски“ бр.13, 1000 Скопје
Тел. +389 (2) 3 116 188
Факс. +389 (2) 3 237 832
info@customs.gov.mk
www.customs.gov.mk
Одобрение за употреба на општа гаранција во транзитна постапка
Со ставањето на стоката во транзитна постапка, странската стока не подлежи на плаќање на увозни давачки и други давачки. Затоа со цел да се обезбеди плаќање на евентуалниот царински долг, како и други давачки и даноци кои можат да настанат во врска со стоката ставена во транзитна постапка по правило е потребно да се поднесе гаранција. Обврската за поднесување на гаранцијата е на носителот на транзитната постапка – главниот обврзник.
Основни услови за издавање на одобрение
Одобрение за користење на општа гараниција им се дава само на лица кои ги исполнуваат основните услови и условите кои обезбедуваат правилно спроведување на постапката и тоа:
- се регистрирани во Република Македонија,
- редовно користат транзитни постапки или кои им се познати на царинскиот орган како субјекти кои имаат можност да ги исполнат своите обврски во поглед на овие постапки;
- немаат извршено тешки или повеќекратни прекршувања на царинските или даночните прописи;
- царинскиот орган да е во можност да врши надзор над постапката и да извршува контроли без административни оптоварувања непропорционални со барањата на странката;
- странката да води евиденција која му овозможува на царинскиот орган да извршува ефикасни контрол
Опис на постапката
- Барањето за одобрение општа гаранција во транзитни постапки се поднесува на пропишан образец (Прилог Б од Упатството гаранции во транзитни постапки Б2, а согласно Уредбата за спроведување на царинскиот закон) до надлежната Царинарница
- Административна такса за одобрение е 500,00 денари и административна такса за барање е 50,00 денари.
- Барањето се поднесува во Царинарницата која е надлежна за надзор врз основа на местото на водење на евиденцијата на подносителот на барањето.
- По проверка на барањето од надлежната царинарница заедно со мислење се проследува до Одделението за наплата како гарантен царински орган.
- Одделението за наплата врз база на мислењето од надлежната царинарница, податоци од Секторот за контрола и истраги, Управата за јавни приходи, Централниот регистар, Независни ревизорски куќи ја утврдува висината на општата транзитна гаранција и му го соопштува износот на подносителот на барањето.
- Одобрението го дава Централна управа на Царинска управа на РМ.
Предвиден рок за постапката: 3 месеци.
Потребни документи
-
Барање за Одобрение за употреба на општа гаранција во транзитна постапкa;
-
Административна такса за одобрение во износ од 500,00 денари и
-
Aдминистративна такса за барање во износ од 50,00 денари.