Информации
strong>Царинска управа на РМ
Сектор: Сектор за наплата на приходи, финансиско материјални и имотно правни односи
Одделение: Служба за наплата, буџет, гаранции и анализа
Ул.„Лазар Личеноски“ бр.13, 1000 Скопје
Тел. +389 (2) 3 116 188
Факс. +389 (2) 3 237 832
info@customs.gov.mk
www.customs.gov.mk
Одобрение за употреба на општа гаранција за покривање на царински долг во постапки со економски ефект и одложено плаќање
Со ставањето на стоката во транзитна постапка, странската стока не подлежи на плаќање на увозни давачки и други давачки. Затоа со цел да се обезбеди плаќање на евентуалниот царински долг, како и други давачки и даноци кои можат да настанат во врска со стоката ставена во транзитна постапка по правило е потребно да се поднесе гаранција. Обврската за поднесување на гаранцијата е на носителот на транзитната постапка – главниот обврзник.
Опис на постапка
- Барањето за прифаќање на гаранција за обезбедување на царински долг се поднесува на пропишан образец (Прилог А од Упатството за царински долг Д1, а согласно Уредбата за спроведување на царинскиот закон) до Одделението за наплата. Административна такса за за ова барање е 50,00 денари.
- Барањето се поднесува во Царинската Управа, Одделение за наплата кое е надлежно за прифаќање, евиденција и наплата на гаранциите.
- Банкарската гаранција во оригинал се поднесува заедно со Барањето за прифаќање прилог А. Во истото се наведува за која царинска постапка и за која испостава се однесува истото.
- Прифаќањето го врши Одделението за наплата при Царинската управа на РМ за што ги известува сите испостави, СНИО и банката која ја издала предметната гаранција.
Предвиден рок за постапката: 2 дена по приемот на барањето.
Потребни документи
-
Барање за прифаќање на гаранција за обезбедување на царински долг;
-
Административна такса за ова барање е 50,00 денари, (уплатница) и
-
Банкарска гаранција.