Информации
Царинска управа на РМ
Сектор: Надлежна царинарница
Скопје
ул. Колекторска бб,
Tел. +389 (2) 3 174 255
Битола
ул. Краварска бб,
Tел. +389 47 269 336
Граничен премин Богородица, Гевгелија
Тел. +389 34 230 100
Куманово
ул. Индустриска бб,
Тел. +389 31 412 370
Штип
ул. Брегалничка бб,
Тел. +389 32 380 802
Одобрение за употреба на посебни товарници
Употреба на посебна товарница е поедноставување во транзитната постапка.
- Преку ова поедноставување му се одобрува на главниот обврзник да употребува други документи како товарница – посебна товарница иако тие документи не ги исполнуваат условите и образец на товарница дадени во Прилог 33 и Прилог 34 од Уредбата за спроведување на царинскиот закон.
Опис на постапа
- Постапката за добивање на одобрение за употреба на посебна товарница, започнува со поднесување на барање (Прилог 5 Образец ПТ од Упатството за поедноставени постапки) до Царинарница надлежна за појдовна царинска испостава.
- Управникот на Царинарница формира комисија за разгледување на барањето.
- Комисијата се состои од два постојани членови кои претходно ги има одредено Управникот на конкретна царинарица и членови на надлежена појдовна царинска испостава.
- Комисијата го разгледува барањето со сите пропратни документи цени дали се исполнети условите за употреба на ова поедноставување и изготвува мислење.
- Мислењето во писмена форма, Комисијата го доставува до Управникот на надлежната Царинарница, кој одлучува по барањето.
- Комисијата го евидентира одобрението и одобрението добива број под кој с еводи во Царинарницата.
- Административна такса за одобрение е 500,00 денари и административна такса за барање е 50,00 денари.
Одобрението го дава надлежната Царинарница, само кога:
- посебните товарници се изготвуваат од страна на трговски друштва кои употребуваат интегриран електронски или автоматски систем за обработка на податоци за водење на евиденција;
- доколку се изготвени и пополнети на начин кој ги прави едноставни за употреба од страна на царинскиот орган и
- ги содржат податоците кои се бараат во Прилог 33 од Уредбата за спроведување на Царинскиот закон.
Предвиден рок за постапката: 3 месеци.
Потребни документи
-
Барање за одобрение за употреба на посебни товарници;
-
Административна такса за одобрение, 500,00 денари (уплатница);
-
Административна такса за барање е 50,00 денари (уплатница);
-
Список на стоки;
-
Образец на документ употребен како посебна товарница и
-
Список на одговорни лица.
