Осигуреното лице може да оствари право на патни трошоци ако е упатено да користи здравствени услуги во врска со хемодијализа или вежби за рехабилитација на видот, слухот и говорот надвор од местото на живеење.

За остварување на ова право осигуреното лице треба да пополни барање за надомест (рефундација на средства) за патни трошоци – Образец Р3 и да го достави до Фондот за здравствено осигурување на Македонија.

Кон барањето се приложуваат и следните документи:

– потврда за бројот на извршени здравствени услуги во претходниот календарски месец, издадена од здравствената установа која има склучено договор со ФЗОМ, каде што се извршени здравствените услуги;
– потврда од здравствената установа каде што е извршена хемодијализата дека нема организиран превоз и
– доказ за трансакциската сметка на подносителот на барањето.