Аматерска служба е радиокомуникациска служба наменета за обучување на поединци, одржување на меѓусебна комуникација и технички истражувања што ги вршат аматери, односно овластени лица кои се интересираат за радиотехника само од лични побуди и без паричен надомест.

Барањето за издавање на одобрение за користење на радиофреквенции во аматерска служба се поднесува до Агенцијата во пишана форма согласно  Правилник за формата и содржината на барањето за издавање на одобрение за користење на рф.

При поднесување на барањето за издавање на одобрение за користење на радиофреквенции се поднесува:

• пополнет образец  Барање за издавање на одобрение за користење на радиофреквенции во радиоаматерска служба, согласно упатството  Упатство – радиоаматерска;
• доказ за извршена уплата на административна такса во износ од 550 ден (копија од уплатница) согласно  Упатство за уплата на административни такси и
• диплома за положен радиоаматерски испит.

Начин на пријавување и полагање радиоаматерски испит

Кандидатот, кој сака да полага испит за радиоаматерски оператор (во понатамошниот текст: испит), треба до Агенцијата да поднесе:

• пополнето писмено барање (пријава за испит –  Пријава за полагање на испит за радиоаматерски оператор );
• извод од матична книга на родени (копија);
• уверение за државјанство (копија);
• за кандидати помлади од 18 години и согласност од законскиот застапник (заверена на нотар).

Странски државјанин кон барањето треба да приложи копија од пасош и доказ за регулиран престој. Испит за А класа може да полагаат само кандидати со наполнети 16 години, а за  P класа  со наполнети 12 години.