Во занаетчиски дејности спаѓаат:

• Фризери;
• Козметичари;
• Златари;
• Фотографи;
• Часовничари;
• Пекари и брурекџии;
• Слаткари;
• Прец. Механичар;
• Ел. Механичари;
• РТВ механичари;
• Винклери;
• Автомеханичари, автоелектричари и автолимари;
• Оптичари;
• Металци;
• Лимари;
• Столари;
• Шивачи;
• Чевлари;
• Папуџии;
• Каменоресци;
• Хемиско чистење;
• Цвеќари;
• Фирмописци, печатари и графичари;
• Машинобравари;
• Тапетари;
• Пластичари и
• Градежници.

Опис на постапката

За вршење на занаетчиската дејност физичкото лице поднесува писмено барање до комората, за упис во Регистарот на занаетчии, во местото каде што се наоѓаат просториите каде што се врши занаетчиската дејност. Доколку занаетчиската дејност не се врши во простории, барањето за упис во Регистарот на занаетчии се поднесува во местото на живеење

Решението за упис во Регистарот на занаетчии содржи:

• име, татково име, презиме и адреса на живеалиштето на занаетчијата;
• единствен матичен број на граѓанинот;
• занаетчиските дејности што ќе се вршат, како и шифрите на дејностите, согласно со Националната класификација на дејности и
• фирма, скратена ознака на фирмата, доколку ја има, седиште и адреса на просториите.

Со денот на уписот на занаетчиската дејност во Регистарот на занаетчии, физичкото лице се стекнува со својство на занаетчија.

Регистарот на занаетчии е јавна книга и секое заинтересирано лице може да има увид во него.

По еден примерок од решението за упис во Регистарот се доставува до органот надлежен за работите од областа на јавните приходи во местото каде што е регистрирана занаетчиската дејност, Фондот за пензиско и инвалидско осигурување, Фондот за здравствено осигурување, Централниот регистар на Република Македонија и Агенцијата за вработување во местото на живеење на занаетчијата.

Предвиден рок за постапката: Комората во рок од осум дена од денот на поднесувањето на барањето донесува решение за упис во Регистарот на занаетчии.

 Потребни документи за регистрација

• Барање до комората за упис во Регистарот на занаетчии;

• доказ за стручно образование (оригинал или заверено кај нотар);

• здравствена книшка и

• лична карта (фотокопија).