Управителот, неговото овластување за застапување на друштвото и сите промени, без одлагање, се запишуваат во трговскиот регистар.

Кон пријавата за упис на управителот се приложува:

• одлуката за избор на управителот, освен ако назначувањето не е извршено со договорот за друштвото;
• одлуката за отповикување, ако претходниот управител бил отповикан;
• оставката во писмена форма, ако на претходниот управител му престанал мандатот со оставка;
• актот со којшто се определува видот и обемот на застапувањето;
• доказ дека нема забрани според членот 231 став (4) ЗТД и
• Потписот на управителот, односно потписите на лицата овластени за застапување – заверени, приложени и дадени во согласност со членот 65 ставови (2) и (3) од ЗТД.