Вино увезено во Република Македонија може да стави во промет само правно лице запишано во Регистарот на увозници на вино 

Во Регистарот може да се запише правно лице кое е регистрирано за вршење трговска дејност.

За запишување во Регистарот правното лице поднесува БАРАЊЕ до Министерството за земјодели со потребната документација.

Со БАРАЊЕТО увозникот на вино до Министерството за земјоделство, шумарство и водостопанство ги поднесува и следните документи:

• Извод за тековна состојба на правно лице издадена од Централниот Регистар на Република Македонија кој не може да биде постар од 30 дена, со назнака „Општа клаузула за бизнис“ и/или шифра на дејност „46.34 – Трговија на големо со пијалоци“ и/или „47.25 – Трговија на мало со пијалоци во специјализирани продавници“.
• Известување за започнување на вршење на дејност издадено од Министерство за труд и социјална политика – Државен инспекторат за труд,
• Пријава за исполнетост на минимално технички услови и други услови пропишани со закон за вршење на трговија на големо и мало заверена од Државен пазарен инспекторат – Министерство за економија и од надлежниот орган на општината односно Градот Скопје,
• доказ за платени административни такси, и
• доколку правниот субјект е регистриран за дејност „47.25 – Трговија на мало со пијалоци во специјализирани продавници“ важечка Лиценца за продажба на алкохолни пијалоци издадена од Министерството за економија.

Документацијата се доставува во оригинал или копија заверена на нотар.