• Со Законот за изменување и дополнување на Законот за данокот на додаден вредност („Службен весник на РМ”, бр.130/14), од 1 јануари 2015 година се пропишаа посебни одредби за начинот на постапување при пренос на движен и недвижен имот во постапка за присилна наплата и во постапка за присилно извршување.
• Со Законот за изменување и дополнување на Законот за данокот на додаден вредност („Службен весник на РМ”, бр.129/15), од 8 август 2015 година се изврши доуредување и допрецизирање на одредбите за прометите во постапки на присилна наплата и присилно извршување, како и: – воведување на механизмот на пренесување на даночната обврска во случај кога доверителот се стекнува со доброто. – промена на рокот за плаќање и достава на ДДВ-ПНПИ во постапка за присилно извршувањесо цел усогласување со Законот за извршување.
• Субјектот надлежен за постапката на присилна наплата и присилно извршување има обврска за прометот да изготви соодветни обрасци кои се пропишани во: – Правилник за формата и содржината на Извештајот за задржан данок на додадена вредност во постапка на присилна наплата и присилно извршување (образец ДДВ-ПНПИ), со примена од 1 јануари 2015 година („Службен весник на РМ”, бр.198/14). – Правилник за формата и содржината на Извештајот за пресметка на данок на додадена вредност во постапка на присилна наплата и присилно извршување, во случаите кога доверителот е стекнувач на доброто (образец ДДВ-ПНПИ/ДС), со примена од 25 август 2015 година („Службен весник на РМ”, бр.143/15).

>> ПРИЛОГ – ТАБЕЛА: Начини на постапување во постапка на присилна наплата и присилно извршување