Вторник, 17 јуни 2014 – На ден 25 јуни 2014 година (среда) во Конференцискиот центар на Qeen Hotel во трговскиот центар Зебра со почеток во 10 часот ќе се одржат Обуки за значајни теми и тоа: Новитетите во Законот за градење со целосен практичен опфат на сите фази на градењето со практични примери, новитети во Законот за градење, даночните аспекти на градењето и безбедност и здравје при организирање и изведување на градба.
Својствено за АКАДАДЕМИК, низ препознатлив начин на актуелизирање и експликација на темите за кои е неопходна дополнителна едукација и обука, овојпат на АКАДЕМИК ОБУКАТА ќе се разгледаат и дебатираат следните значајни прашања поврзани со новитетите во Законот за градење.
На првиот дел од обуката посветен на Новитетите во Законот за градење со целосен практичен опфат на сите фази на градењето со практични примери, ќе се разгледаат прашањата за:
- Главни законски елементи на Договорот за градење
- Главни договорни елементи на Договорот за градење
- Одобрение за градење (повеќе можни прави ситуации, повеќе лица како соинвеститори)
- Заштитни одредби за инвеститорите на градбата
- Технички одредби во договорот (надзор, организација на градилиште, водење на книги)
- Престанок на договорот за градење
- Правни последици од престанокот на договорот за градење
Обучувач на првиот дел од обиката ќе биде доц. д-р Дарко Спасевски, Правен факултет „Јустинијан Први“ – Скопје.
- Вториот дел од обуката е посветен на Новитетите во Законот за градење и ќе се разгледаат прашањата за:
- Промени во постапката за изработување на урбанистичко планска документација
- Новости во постапката за издавање на одобрение за градење
- Нови надлежности на Градот Скопје при издавање на одобрение за градење
- Надлежности на општините при доградба и надградба, надлежност за фасадите
- Промена на инвеститор при фазите на градење
- Новиот правилник поврзан со е-одобрение за градба
- Новиот правилник околу лиценците за управител на градба, проектирање на градба, ревизија на проектна документација, изведувач на градби, надзор над изградба и упрвител на одржување
Обучувач на вториот дел од обуката ќе биде претставник од Министерството за транспорт и врски на РМ.
- На третиот дел од обуката посветен на Даночните аспекти на градењето, а во врска со тоа ќе се разгледаат:
- Закон за данок на додадена вредност
- Закон за даноците на имот
- (Не)изразување на ДДВ и конечно изразување на ДДВ во текот на градење
- Даночни стапки за ДДВ за градење
- Настанување на даночна обрска за градителот
- Продажба на станови
- Пребивање на даночни обврски при изградба
Обучувач на третиот дел од обуката ќе биде Славчо Лазовски, експерт за даноци.
На четвртиот дел од обуката ќе се разгледаат прашањата за Безбедност и здравје при организирање и изведување на градба и тоа:
- Одговорност на инвеститорот и изведувачот на градбата
- Одговорност на надзорот
- Одбележување на градбата, поставување заштита на градилиштето, лична заштита опрема
- Обука на лицата инволвирани во градењето, изјава за базбедност, проценка на ризик на работно место
- Инспекциски надзор, мерки на овластениот инспектор
- Санкции
Обучувач на четвртиот дел од обуката ќе биде Горан Поповски, инспектор за безбедност и здравје при работа во Државниот инспекторат за труд.
Почитувани пријатели и соработници, ПРИЈАВЕТЕ СЕ најдоцна до 23 јуни 2014 на practicum@akademik.com. mk или на тел. број 02/32 32 821 Цената на обуката е 4.200 денари + 18% ДДВ Бројот е ограничен на 30 учесници по обука Цената е за еден учесник за еден ден За корисниците на www.akademika.com.mk следува 10% попуст!