На 27 ноември 2018 година (вторник), Академик ќе одржи обука на тема  „Предложени измени и дополнувања на Законот за катастар на недвижности, уредување на градежно земјиште, запишување права врз инфраструктурни објекти, е-кат шалтер“.

Предавачи на обуката ќе бидат Борис Тунџев – директор на Агенцијата за катастар на недвижности на Република Македонија и  државни советници од Агенцијата.

Уредувањето на градежното земјиште, постапките за легализација, запишувањето права врз инфраструктурни објекти и градењето стабилни инфраструктурни проекти се теми од кои секогаш произлегуваат  бројни прашања  и  дилеми.

Во насока на надминување на проблемите со кои се соочуваат и физичките и правните лица од сите сфери, како и за навремена подготовка на субјектите за примена на предложените законски решенија, Академик ја организира специјализирана обука на која ќе бидат разработени многу прашања, меѓу кои:

• Специфични случаи и примери од практиката при уредувањето на градежното земјиште;
• Правни и физички ограничувања за располагање со градежно земјиште во државна сопственост;
• Легализација на инфраструктурни објекти
• Е-кат шалтер – надградби и новини, начин на пребарување и можности кои се нудат со неговото воспоставување;
• Предложени законски решенија, измени и дополнувања;
• Враќање на надлежностите на приватните геодетски компании;
• Запишување на правата на недвижностите со незапишани права.

АГЕНДА:

СПЕЦИФИКИ ПРИ УРЕДУВАЊЕ НА ГРАДЕЖНОТО ЗЕМЈИШТЕ

• Уредување и управување со градежно земјиште во државна сопственост;
• Специфични случаи и примери од практиката за постоење на правни и физички ограничувања за располагање со градежно земјиште во државна сопственост;
• Регулирање на правото врз објект изграден врз градежно земјиште врз кое престанува правото на долготраен закуп, а кој е изграден во времетраење на закупот;
• Графички регистар на градежно земјиште;
• Геодетски елаборати за решенија за запишување на правата врз објектите.

ИСКУСТВА ОД КАТАСТАРОТ НА ИНФРАСТРУКТУРНИ ОБЈЕКТИ КАКО ДЕЛ ОД КАТАСТАРОТ НА НЕДВИЖНОСТИ, ЗАПИШУВАЊЕ ПРАВА ВРЗ ИНФРАСТРУКТУРНИ ОБЈЕКТИ, ВОСПОСТАВУВАЊЕ НА СИСТЕМОТ Е-КАТ ШАЛТЕР ЗА ПОДНЕСУВАЊЕ НА ПОСТАПКИТЕ ЗА ИНФРАСТРУКТУРНИ ОБЈЕКТИ

• Искуства и практични примери од воспоставениот катастар на инфраструктурни објекти како дел од катастарот на недвижности и влијание врз имотните права или субјектите при градење;
• Воспоставување на катастар на инфраструктурни објекти како дел од катастарот на недвижности;
• Карактеристики на инфраструктурните објекти, пример;
• Предбележување, евидентирање и запишување на инфраструктурни објекти во катастарот на инфраструктурни објекти како дел од катастарот на недвижности;
• Легализација на инфраструктурни објекти;
• Запишување на права и ограничувања на инфраструктурните објекти;
• Е-кат шалтер – надградби и новини, начин на пребарување и можности што се нудат со негово воспоставување.

ПРЕДЛОЖЕНИ ИЗМЕНИ И ДОПОЛНУВАЊА НА ЗАКОНОТ ЗА КАТАСТАР НА НЕДВИЖНОСТИ

• Осврт на предложените измени и дополнувања на Законот за катастар на недвижности;
• Воспоставување на Регистар за преземени недвижности наменети за продажба;
• Извршување на геодетски работи за посебни намени;
• Враќање на надлежностите на приватните геодетски компании;
• Обврска за електронско доставување на пријавите и правните основи за прибавување на податоци;
• Пријава за запишување на недвижности кои останале со незапишани права;
• Запишување на правата на недвижностите со незапишани права кои се наоѓаат во катастарските општини за кои бил во сила катастар на земјиште востановен врз основа на извршен премер (премерен катастар);
• Запишување на правата на недвижностите со незапишани права кои се наоѓаат во катастарски општини во кои бил во сила катастар на земјиште востановен без извршен премер (пописен катастар);
• Отстранување на грешки при одржување на катастарот на недвижности;
• Ажурирање на податоци по службена должност и по пријава на странка;
• Запишување на правата на сопственост на инфраструктурните објекти кои, во согласност  со Законот за изменување и дополнување на Законот за преобразба на електростопанство на Македонија – Акционерско друштво за производство, пренос и дистрибуција на електрична енергија во државна сопственост, со преобразбата и со планот за поделба припаднале на АД ЕСМ или на друштвата основани од него или на друштвата настанати со реструктурирање на АД ЕСМ или неговите правни наследници и АД МЕПСО, а кои се изградени на земјиште во приватна сопственост.

Време и место на одржување на обуката:  27.11.2018 година, 10:00 – 15:00 часот, Центар за обуки Академик, бул. „ВМРО“ бр. 1, Скопје.

На обуката учесниците добиваат сертификат за учество, бесплатни материјали, кафе, вода и премиум закуска за време на паузите.

Цената за учество на обуката за едно лице е 4.200,00 денари + ДДВ, а корисниците на www.akademika.com.mk имаат 10% попуст.

Сите заинтересирани можат да се пријавуваат за обуката преку е-пошта на електронската адреса practicum@akademik.com.mk, а сите дополнителни информации може да се добијат на телефоните +389 02 3221 091 и +389 02 3237 465.