Министерот за правда Валдет Џафери остварил средба со претставници од  Секторот за правда на САД:  Кетрин Њукомб, Ерик Трини и Дана Мулхаусер  и со претставници од Амбасадата на САД:  Леви Смили  и Адриан  Исмаили,  кои престојуваат во Република Македонија по повод   одржувањето  на Конференцијата за заштита на  верските  слободи  и  спречување на дискриминацијата  и на насилството, информираат од Министерството за правда.

Министерот Џафери  во текот на ова средба информирал за чекорите преземени од страна на Министерството за правда во однос на инкриминација на јазикот,  омразата  и дискриминацијата врз основа на  полот, расата, верата, религијата. Исто така, министерот Џафери ги известил претставниците на Министерството за правда на САД за работната група која е оформена  во рамките на Министерството за правда со претставници  од различни институции, а која работи на оваа проблематика, велат од Министерството.

Во текот на ова средбата, Џафери  изразил подготвеност за соработка  со САД во насока на размена на  искуствата од ова област, но и во други сфери од правосудството.