/Прочитано:

1.806

Во Скопје се одржува десеттиот состанок на Асоцијацијата на омбудсмани на Mедитеранот

Вчера во Скопје почна десеттиот состанок на Асоцијацијата на омбудсманите на Медитеранот (АОМ), чиј домаќин е институцијата  Народен правобранител на Република Македонија, а на кој ќе се дискутира на темата „Улогата на Народниот правобранител како заштитник на социјалните, културните и еколошките права“.

На првиот ден од состанокот се одржаа средби  на членовите на Извршниот комитет и на Управниот одбор на Асоцијацијата, кои дискутираа за повеќе теми, меѓу кои и за Предлог-програмата за 2018–2019 година.


Во наредните три дена ќе се одржат две пленарни сесии на теми: „Улогата на Народниот правобранител во заштита на социјалните права на ранливите групи“, потоа „Улогата на Народниот правобранител во заштита на културните права на граѓаните“, а учесниците ќе дискутираат и на темата „Народниот правобранител како заштитник на правата од животната средина“. Планирано е  на Конференцијата да се усвои Декларацијата од Скопје. На состанокот учествуваат омбудсмани и претставници на институциите од земјите членки на АОМ.

M.В