Адвокатска комора: Информации за склучување на договор за користење на „Е-КАТ ШАЛТЕР“ апликацијата
За потребите на надворешните корисници, АКН обезбеди веб-апликација „е-кат шалтер“ со која можат да се пребаруваат и да се издаваат податоци од геодетско-катастарскиот информациски систем на Агенцијата за катастар на недвижности.
За пристап до апликацијата „е-кат шалтер“, корисниците треба да обезбедат компатибилни уреди, и тоа: компјутер со најмалку оперативен систем Windows XP или понова верзија, скенер со можност за експорт во pdf формат, пристап до Интернет со брзина од најмалку 2 Mbps, дигитален сертификат издаден од овластен издавач и токен, платежна картичка поддржана од Casys, софтвер Acrobat Reader верзија 11 и интернет пребарувач Mozilla Firefox (верзија 24.0, верзија 47.0.1, верзија 51.0.1).
За да станете корисник на „е-кат шалтер“ потребно е да се потполнат следните документи за регистрација и тоа:
- Барање за пристап до услуга „е-кат шалтер“ (регистрација);
- Прилог бр.1 (ИЗЈАВА 1) и бр.2 (ИЗЈАВА 2) кон Договорот за користење на „е-кат шалтер“; ( треба да се достават шест оригинални примероци)
- Договор за користење на „е-кат шалтер“ за професионални корисници. (треба да се достави шест оригинални примероци)
- Во прилог на барањето покрај потпишаниот договор и изјавите (во 6 примероци) потребно е да доставите копија од Извод од тековна состојба не постара од 6 месеци.
Сите документи треба да се достават лично во Архивата на АКН или по пошта на адреса: Трифун Хаџи Јанев 4, 1000 Скопје.
>> ДОКУМЕНТИТЕ МОЖЕТЕ ДА ГИ ПРЕЗЕМЕТЕ ОД ЛИНКОТ ПОДОЛУ.
