Денеска Националниот совет за евроинтеграции ќе одржи расправа за очекувањата и перспективите во процесот на пристапување во Европската Унија.

Националниот совет за евроинтеграции е основан во функција на засилување на активностите и одговорностите на сите надлежни државни органи и институции во обезбедувањето заедничка согласност и координирано дејствување во процесот на добивање членство на Македонија во Европската Унија.

Една од надлежностите на Советот е да го следи и да го оценува текот на активностите за добивање членство на Македонија во Европската Унија и да дава мислења и насоки во врска со подготовките за започнување на прeговорите.

Инаку, во контекст на процесот на пристапување во ЕУ, од МНР информираат дека министерот за надворешни работи, Никола Димитров, од денеска до 17 октомври ќе престојува во работна посета на Брисел, кога се очекува Советот на ЕУ да донесе одлука за датум за почеток на пристапните преговори на нашата земја со ЕУ. Според информациите, Франција бара поинаков пристап за почеток на преговорите, односно на процесот на проширување на Унијата.

М.В