На 35. седница на Државната изборна комисија, која се одржа на 22.4.2019 година, беа објавени резултатите од првиот круг на гласањето за избор на претседател на Република Северна Македонија, во согласност со записниците од општинските изборни комисии и избирачките одбори, информираат од ДИК.

Според пресметаните утврдени резултати од гласањето спроведено на 21.4.2019 година, вкупниот број на гласови што го добила секоја листа на кандидат за претседател поодделно изнесува:

– кандидатот Блерим Река добил 79.921 гласови;

– кандидатката Гордана Сиљановска-Давкова добила 319.364 гласови и

– кандидатот Стево Пендаровски добил 323.892 гласови.

Во согласност со членот 121 став (1) од Изборниот законик, во вториот круг ќе се гласа за двајцата кандидати кои во првиот круг освоиле најмногу гласови, односно за Гордана Сиљановска-Давкова и Стево Пендаровски.

„Истовремено, на седницата се одлучуваше по службена должност за гласањето во ИМ 2564 Ѓорче Петров, каде согласно член 151 став (1) алинеја 5 од Изборниот законик, Државната изборна комисија со решение го поништи гласањето во ова Избирачко место, имајќи предвид дека бројот на гласачките ливчиња во гласачката кутија е поголем е бројот на избирачите што гласале.

Бидејќи бројот на гласови не влијае на конечниот резултат, на ова избирачко место ќе се гласа во втор круг, на 5.5.2019 година.

По однос на приговорот за ИМ 006 Берово, се отфрли како недозволен, а се утврди дека избирачкиот одбор не го спровел гласањето на начин утврден со Законикот.

Исто така, Државната изборна комисија одлучи избирачките одбори од овие избирачки места да се разрешат“, се вели во соопштението на ДИК.

Управниот суд постапувал по четири предмети за изборниот процес и поништил една одлука на Антикорупциска

Постапката за вториот круг на претседателските избори

Официјални податоци на ДИК за првиот круг на претседателските избори

М.В