/Прочитано:

1.019

Претседателот на Врховниот суд и претседателите на судовите  го прифатија предлогот за подобрување на статусот на судиите

Претседателот на Врховниот суд на Република Македонија, Јово Вангеловски, оствари средба со претседателите на сите судови во Република Македонија, информираат од Врховниот суд.

„На средбата беа присутни и претседателот на Судскиот буџетски совет, Зоран Караџовски, и претседателот на Здружението на судиите на Република Македонија, д-р Џемали Саити.

На средбата се разговараше за состојбата со исплатата на додатоци на плати, започнатите судски спорови и се разгледуваа можните алтернативи за подобрување на статусот на судиите во Република Македонија.

Од страна на претседателот на Врховниот суд на Република Македонија, претседателот на Судскиот буџетски совет и претседателот на Здружението на судиите на Република Македонија беше презентиран понудениот пакет мерки од претседателот на Владата на Република Македонија, Зоран Заев, за решавање на проблемите со исплата на додатоците на плата, но и за севкупниот материјален статус на судиите. Притоа беа презентирани ставовите на сите судии во Република Македонија, изразени на одржаните колегиуми во секој од судовите поединечно. Од презентираните ставови произлезе дека големо мнозинство на судиите се согласува дека треба да продолжи процесот на преговарање со прифаќање на понудата за подобрување на статусот на судиите во Република Македонија.

Како резултат на констатираната состојба, се донесе заклучок дека се прифаќа компромисниот предлог за спогодба за комплексно подобрување на статусот на судиите во Република Македонија“, соопштуваат од Врховниот суд.

Средба на Владата и Здружението на судии: „Постигнат е договор за барањата на судиите“

Здружението на судии подготвува иницијатива до Уставниот суд за одредби од Законот за платите на судиите

М.В