Министерството за правда објави оглас за пријавување на кандидати за полагање нотарски испит. Според огласот, секој кандидат кој се пријавува треба да ги исполнува следните услови:

• да е дипломиран правник и
• да има работно искуство на правни работи најмалку две години.

Кандидатот за полагање нотарски испит треба да ги достави следните документи:

• пријава;
• доказ за завршен правен факултет;
• доказ за положен правосуден испит, доколку кандидатот го има положено и
• доказ за уплатен износ на предвидените средства за полагање на испитот, односно уплатница на износ од 9 000 денари.

Потребните документи се поднесуваат до Министерството за правда во периодот од 1 до 10 септември.

Писмениот дел од испитот ќе се одржи на 19 септември, а терминот за устен испит дополнително ќе биде закажан, се наведува во огласот.