Како што се наведува во Прегледот на работата на Уставниот суд на Република Северна Македонија за 2023 година, во периодот од 1 јануари 2023 заклучно со 31 декември 2023 година, Судот постапувал по вкупно 359 предмети. Од нив, 210 предмети биле оформени во текот на 2023 година, а 149 биле пренесени како незавршени од претходните години. Од вкупниот број предмети во работа во текот на годината биле завршени 185 предмети, а останале незавршени 174 предмети.

Во текот на 2023 година, од вкупно 210 оформени предмети, 101 предмет се однесуваат на оценката на согласноста на законите со Уставот (48,1%), 100 предмети се однесуваат на оценка на уставноста и законитоста на други прописи и акти (47,62%), два предмети се однесуваат на решавање судир на надлежност (0,95%) и поднесени се 7 барања за заштита на слободи и права (3,33%).

Од вкупниот број на решени предмети во 2023 година – 185, во поголем дел биле оспорени закони или одделни законски одредби – 98 (53%), во 71 предмет биле оспорени прописи и други општи акти (38%), 15 предмети биле барања за заштита на слободи и права (8%) од вкупниот број решени предмети и 2 предмети се однесувале на барања за решавање судир на надлежност (1%).

Целосниот текст на Прегледот на работата на Уставниот суд на Република Северна Македонија за 2023 година може да го превземете од веб-страницата на Уставниот суд.