Правниот факултет „Јустинијан Први“ известува дека во соработка со Универзитетот Мунстер (Германија) и Универзитетот Париз Нантер (Франција) традиционално ја организира Четвртата летна школа (4th Itinerant Summer University in the Balkans).

„Школата ќе се одржи помеѓу 20 – 23.9.2018 година, во просториите на Правниот факултет. Академски директор на летната школа е проф. д-р Тони Дескоски. Оваа година, школата ќе биде организирана на тема: „Предизвиците на земјите од Западен Балкан при процесот на зачленување во Европската Унија“. Се повикуваат сите заинтересирани студенти на прв и втор циклус студии на Правниот факултет „Јустинијан Први“ во Скопје да се пријават за учество на школата.  Заинтересираните студенти потребно е да испратат кратка биографија на следната е-адреса: v.dokovski@pf.ukim.edu.mk, најдоцна до 25.8.2018 година. Работен јазик на летната школа е англискиот“, информираат од Правниот факултет.