Новите предложени измени на Законот за Црвениот крст на Република Македонија се на дневен ред на собраниската Комисија за труд и социјална политика.

„Потребата од измени и дополнувања на Законот за Црвениот крст на Република Македонија произлегува од неможноста да се применуваат одредбите за финансирање, а пред сè членот 27, ставот 1 алинеја 4 од постојниот Закон, кој се однесува на наплата на надоместокот од 1% од регистрација на моторни возила во корист на Црвениот крст на Република Македонија.

Проблемот е настанат во последните години, кога при регистрацијата на возилата надоместокот од 1% се пресметува и се наплатува на различна основа  од страна на правните субјекти кои вршат технички преглед, поради што се доведува во прашање еднаквоста при плаќање на овој надоместок.

Во предложениот закон се отстранети и изменети одредби од постојниот закон кои предвидуваат надоместоци  во корист на Црвениот крст на Република Македонија, а со тоа и финансиско оптоварување на субјектите, како и одредби во кои одредени прописи не постојат или се променети“, се вели во образложението на измените на Законот за Црвениот крст, кој е во фаза на второ читање.

М.В