/Прочитано:

313

Кривичниот суд: Колегиумот на судии им дава поддршка на судските службеници

„Во однос на денешниот протест на судската администрација, ја информираме јавноста дека Колегиумот на судии и Здружението на судии, подружница на Основниот кривичен суд Скопје,  даваат поддршка на судските службеници при остварување на нивните барања изразени преку синдикатите во кои членуваат, па со таа цел и судската управа денеска зема учество на протестот.

Воедно, ја информираме јавноста дека Кривичниот суд денеска работеше без никакви застои и ниту една главна расправа на притворски, итни или предмети со поголем број обвинети не беа одложени заради протестот, сѐ со цел да им се излезе во пресрет на странките во постапките и да не дојде до непотребно одолговлекување на судењата“, стои во соопштението на Кривичниот суд.

Кривичниот суд интегрално ја објавува изјавата на претседателот на Судот,  Иван Џолев, која беше дадена на протесниот собир:

„Тука сме заедно со судската управа на Кривичниот суд Скопје за да им дадеме поддршка на судските службеници. Сметаме дека заслужуваат повисоки плати и примања. Станува збор за едни од највредните службеници, генерално, во државата, заедно со здравствените и просветните работници, и во таа смисла сметам дека и судските работници треба да имаат по разни основи повисоки примања. Тие навистина имаат стресна работа, имаат многу работа и не гледам зошто не би ги поддржале. Не гледам проблем ниту во Судскиот буџетски совет. И ние судиите и Советот ги поддржуваме судските службеници во нивните барања, очигледно е дека во минатото платите се зголемувани и таа тенденција треба да продолжи. Во случај на нов протест или штрајк, Законот предвидел како се постапува, и итните и притворските предмети, како и денеска,  нема да трпат и ќе се судат, но да не претпоставуваме што ќе се случи во иднина. Се надевам дека ќе се изнајде решение.“

Денеска, пак, министерката за правда, Рената Дескоска, изјави дека е многу лесно да се протестира и да се даде поддршка на некој што протестира. Многу е потешко да протестирате за морални вредности.

„Јас искрено очекувам претседателот на Кривичниот суд во Скопје да излезе со протест, влијание врз своите колеги, зошто некои судења не се закажуваат по три месеци, зошто застаруваат предмети во неговиот суд“, изјави Дескоска.

Протест на судската администрација

УПОЗ И ЗСА: Револт меѓу вработените во судовите за додатоците на платата

Здружение на судии: Во што пократок рок да се исполнат останатите обврски во врска со платите на судиите

Судските службеници ќе добијат право за исплата на додатоци на плата

Законските измени за платите на судските и на јавнообвинителските службеници влегуваат во процедура на донесување

Соопштение на УПОЗ за најава за штрајк доколку не се најде конечно решение за судските службеници

УПОЗ бара оставка од Судскиот буџетски совет

УПОЗ: Штрајкот продолжува. Штрајкувачите ќе лобираат кај пратениците и претседателите на судови за поддршка на барањата

ШТРАЈК НА СУДСКАТА АДМИНИСТРАЦИЈА: Преговори со надлежните институции закажани за идната недела

„Бараме да се повлечат лошите закони“ – протест на судската администрација

ДА СЕ ВРАТИ СТАРОТО РАБОТНО ВРЕМЕ ОД 7:30 ДО 15:30 – едно од барањата на УПОЗ и ЗСА на утрешниот штрајк

ШТРАЈК НА СУДСКИТЕ СЛУЖБЕНИЦИ: „Да се измени штетниот и демотивирачки Закон за судска служба!“

„Ќе ја бојкотираме работата на судовите доколку не се измени Законот за судска служба“ – БОРЧЕ МИРЧЕСКИ, претседател на Здружението на судска администрација

 ЗДРУЖЕНИЕТО НА СУДСКА АДМИНИСТРАЦИЈА БАРА ИЗМЕНИ НА ЗАКОНОТ ЗА СУДСКА СЛУЖБА: Законот е противуставен, демотивирачки и дискриминирачки

НЕ БИДЕТЕ ОПУШТЕНИ, МОЖЕТЕ ДА БИДЕТЕ ОТПУШТЕНИ – УПОЗ ги повикува судските службеници, судските полицајци и административните службеници на првомајски протест

М.В