Преку 14,5 милијарди денари или 236,4 милиони евра се инјектирани во стопанството во првата половина од годинава преку редовен и неселективен поврат на ДДВ кон фирмите, соопштуваат од Министерството за финансии.

Според податоците на Министерството за финансии, повратот на ДДВ кон фирмите заклучно со месец јули е поголем за околу 14,5% во однос на лани.

Заменик-министерката за финансии, Ширет Елези, вели дека со редовниот и неселективен поврат на ДДВ се подобрува ликвидноста на фирмите. Тоа е значајно за непречено оперативно работење на фирмите, но и за нивната инвестициска активност.

„Во споредба со претходната година, извршен е поврат на ДДВ кон фирмите за 30 милиони евра повеќе во однос на лани. Тоа е уште еден аргумент дека имаме зголемена наплата на даночните приходи, дека ликвидноста е во најдобар ред и со тоа навремено се сервисираат сите обврски“, вели заменик-министерката за финансии, Ширет Елези, додавајќи дека позитивните тенденции во стопанството се огледаат и преку добрата наплата на даночните приходи, вклучително и на ДДВ, кој на бруто-основа е повисок за 5,6% во однос на лани.

M.В