Министерството за правда подготвува нов Закон за канцеларија за поврат на имот.

„Со овој закон ќе се уредат основањето, надлежностите, овластувањата и организациската структура на канцеларијата за поврат на имот, надлежна за преземање активности во врска со пронаоѓањето и идентификувањето на приноси, друг имот или имотна корист кои произлегле или се во врска со кривично дело и кои може да бидат предмет на привремена забрана за располагање или конфискација, размена на најдобри практики и водење статистички податоци.

Целта за донесувањето на предложениот закон е оваа материја да се усогласи со меѓународните и европските документи во однос на тела одговорни за пронаоѓање и идентификување на приносите, друг имот или имотна корист кои произлегле или се во врска со кривично дело“, велат од Министерството за правда.

М.В