Советот на јавните обвинители на Република Македонија објави оглас за избор на двајца јавни обвинители за во Вишото јавно обвинителство Скопје

Според критериумите, освен условите предвидени во чл. 44, 45 и чл. 46 од Законот за јавно обвинителство („Службен весник на РМ“ број 150/07) и од Законот за измени и дополнување на Законот за јавно обвинителство („Службен весник на РМ“ бр. 111/08), сите кандидати за избор на јавни обвинители како посебен услов потребно е да имаат работно искуство од најмалку пет години со потврдени резултати на правни работи по положениот правосуден испит.

Заинтересираните кандидати  треба да ги достават пријавите и потребната документација, во оригинал или фотокопија заверена на нотар, и тоа: уверение за државјанство и лекарско уверение (да не се постари од шест месеци од денот на неговото издавање), диплома или уверение за завршен Правен факултет и потврда за положен правосуден испит, во оригинал или заверено на нотар и потврда за работен стаж, до Советот на јавните обвинители на Република Македонија на ул. „Кеј Димитар Влахов“ бр. 4, V кат, во рок од 15 дена од објавувањето во „Службен весник на Република Македонија“.