Новиот Предлог-закон за јавното обвинителство е во собраниска процедура. Главната цел на донесувањето на овој закон, се вели во законското образложение, е со него да се зајакне професионалноста, но и одговорноста на јавните обвинители.  Предлогот на законот се заснова врз начелата на законитост, хиерархија и субординација, транспарентност, професионалност и ефикасност во вршењето на работата и одговорност.

Јавното обвинителство, се пропишува меѓу другото во Предлог-законот, не може да го заснова обвинението врз основа на незаконски прислушувани материјали.

Исклучок од  ова, се пропишува во Предлог-законот, се предметите на Јавното обвинителство за гонење на кривични дела поврзани и кои произлегуваат од содржината на незаконското следење на комуникациите поднесени до надлежен суд до 30 јуни 2017 година согласно со Законот за Јавно обвинителство за гонење на кривични дела поврзани и кои произлегуваат од содржината на незаконското следење на комуникациите.

„Материјалите и транскриптите од материјалите од незаконски прислушуваните материјали за предметите покренати по 30 јуни 2017 година можат да се користат само како индиции и на нив не може да се заснова обвинителен акт или обвинителен предлог и истите не можат да бидат предложени и употребени како доказ во постапката по поднесениот обвинителен акт или обвинителен предлог.

Материјалите ќе се уништат во рок од три месеци по завршување на постапките по вонредни правни лекови на предметите согласно одредбите за уништување на материјалите од посебните истражни мерки утврдени со закон. Записниците за уништување се доставуваат до јавниот обвинител на Јавното обвинителство на Република Северна Македонија.

Сите останати материјали и транскриптите од незаконско прислушуваните материјали кои не се предадени како докази во судовите и кои не се дел од предметите кои се во фаза на истрага, не можат повторно да се преслушаат и да се употребат во било која постапка и се уништуваат во рок од три месеци по завршување на постапките по вонредни правни лекови на предметите од став, согласно одредбите за уништување на материјалите од посебните истражни мерки утврдени со закон. Записниците за уништување се доставуваат до јавниот обвинител на Јавното обвинителство на Република Северна Македонија“, се пропишува во Предлог-законот.

Утврдени се Предлог-законот за јавното обвинителство и измените на Законот за Советот на јавните обвинител

Заклучоци од јавната расправа за новиот Предлог-закон за јавно обвинителство, која продолжува и денеска

Продолжуваат разговорите за новиот Закон за јавното обвинителство

Блупринт-групата: СЈО како институција треба да продолжи со работа